आजको अभिवादन

साथि तिमी मलाई सम्झेर मेरो ब्लगसम्म आयौ तिमीलाई दूई हात जोडी नमस्ते भन्छु तिम्रो सफलताको सधैं कामना गर्छु । सन्जु दा

Message for you!

तिमीले दिएको मायामा बलिदान थियो बुझ्नलाई मैले चोटै खानु पर्ने दर्द तिमीले मेरो निम्ति पायौ तर कहिल्लै बुझ्न सकिन बुझ्ने कोशिस पनि गरिन । अफसोस लागेर आउँछ मैले किन गरे त्यस्तो ।

Thursday, May 26, 2022

मैले टेकेका ती पाईला (ג'יימס בן חכמה)


मैले टेकेका ती पाईलाहरु धेरै पैले

काँडेतारका बाटाहरुमा,
किताबमा,किताबमा,फेरि पनि किताबमा
चश्मा धेरी किन्ने पैसा नहुँदा
एक्लो अवस्थामा वैँश रुँदा,
आँखा पुछ्दै आँखा गाड्दै
अमूल्य अक्षरका गाडधनहरुमा
घण्टौँ घोरिएर सिकेका अल्प ज्ञानहरुको
लौरो टेकेर ,होमर झैँ छामछुम गर्दै
एक्लै,बिल्कुल एक्लै, विरानो संसारमा
विचरण गर्दै छु!
न मेरा बाजेले,न त मेरा बराजुले
कहिल्यै टेक्न नपाएका भूभागहरुमा
तिनै गाडधनहरु खर्चँदै
आकाशमा उड्ने पँक्षी झैँ
बेला बेला यो गोलार्धदेखि
त्यो गोलार्धसम्म उडिरहेको छु
बराजुले बोकेका ढाकर र तोक्माहरुलाई
विधिपूर्वक अगेनामा जलाई
एक्लै, अँ ,एक्लै, ढल्दै उठ्दै अघि बढिरहेको छु।
हो, चश्मा बिना अब म अक्षरका मोतीहरु
ज्ञानमालामा उन्न नसक्ने भएको छु
तै पनि सिक्ने र सिकाउने जीजिविशाको आलोकमा
भर्भराउँदो भर्खरको तन्नेरी भएको छु!

 

No comments:

Featured Post

नेपाल

  नेपाल, एक दक्षिण एसियाली देश हो, जसले भूतपूर्वीमा चीन, पश्चिममा भारत, दक्षिणमा भारत र पश्चिममा भूटानसँग साटो गरेको छ। यो एक संविधानिक संरच...

धेरै हेरिएको