E-7-4 बाट F-5-10 जान कसरी सम्भव होला ?
सउल, दक्षिण कोरिया – दक्षिण कोरियामा E-7-4 (숙련기능인력) भिसामा कार्यरत विदेशी कामदारहरुबीच स्थायी बसोबास (F-5-10 영주권) प्राप्त गर्ने चासो बढ्दो देखिएको छ। तर विशेषज्ञहरुका अनुसार E-7-4 बाट F-5-10 मा सीधा परिवर्तन गर्नु अत्यन्त कठिन वा प्रायः असम्भव मानिन्छ।
यस कारण, चरणबद्ध र दीर्घकालीन योजना आवश्यक हुने बताइएको छ।
🔹 पहिलो चरण: F-2-99 (거주) भिसामा परिवर्तन
E-7-4 भिसा श्रम समूह अन्तर्गत पर्ने भएकाले, उच्च शिक्षामा आधारित F-5-10 영주권मा सीधा प्रवेश सम्भव हुँदैन। त्यसैले आवेदनकर्ताले पहिले F-2-99 (거주) भिसामा परिवर्तन गर्नुपर्ने हुन्छ।
F-2-99 का लागि मुख्य सर्तहरु:
E-7-4 भिसामा कम्तीमा ५ वर्ष बसोबास
अघिल्लो वर्षको वार्षिक आम्दानी ४० मिलियन वन भन्दा बढी
사회통합프로그램 (KIIP) ४단계 उत्तीर्ण
२० मिलियन वोन बराबरको सम्पत्ति ६ महिना भन्दा बढी राखेको प्रमाण
🔹 दोस्रो चरण: 국내 정규 मास्टर 학위 आवश्यक
विशेषज्ञहरुको भनाइ अनुसार, केवल 학사 (Bachelor) डिग्री भएका व्यक्तिहरुलाई केही सीमितता आउन सक्छ।
तर 국내 정규 मास्टर (Master’s Degree) प्राप्त गरेपछि F-5-10 आवेदन प्रक्रिया तुलनात्मक रुपमा सहज हुन्छ।
ध्यान दिनुपर्ने कुरा:
मास्टर डिग्री अनलाइन (साइबर विश्वविद्यालय) हुनु हुँदैन
출석 수업 भएको 정규 과정 हुनुपर्छ
야간 वा 주말 कक्षा स्वीकार्य हुन्छ
🔹 तेस्रो चरण: 학위 पछि ३ वर्षको कार्य अनुभव
मास्टर डिग्री प्राप्त गरेपछि पनि तुरुन्त 영주권 आवेदन गर्न पाइँदैन।
आवेदनकर्ताले डिग्रीपछि कम्तीमा ३ वर्ष कोरियामा काम गरेको हुनुपर्छ।
हाल कार्यरत कम्पनीमै निरन्तर काम गरे पनि मान्य हुन्छ।
🔹 अन्तिम सर्त: आय र भाषा योग्यता
F-5-10 आवेदन गर्दा:
GNI को १ गुणा वार्षिक आय प्रमाणित गर्नुपर्ने
사회통합프로그램 (KIIP) ५단계 अनिवार्य रुपमा पूरा गर्नुपर्ने
यो सर्त अन्य सामान्य 영주권 (F-5-1) भन्दा केही सहज मानिन्छ।
📌 दीर्घकालीन योजना आवश्यक
E-7-4 बाट F-5-10 영주권 प्राप्त गर्नु छोटो प्रक्रिया होइन।
यसका लागि:
शैक्षिक लगानी
आर्थिक तयारी
भाषा दक्षता
समय व्यवस्थापन
अत्यन्त महत्वपूर्ण मानिन्छ।
समुदाय विशेषज्ञहरुको भनाइ अनुसार, “ठीक योजना र निरन्तर प्रयास भएमा F-5-10 영주권 सम्भव छ, तर हतारको निर्णयले होइन, रणनीतिक तयारीले मात्र सफलता दिन्छ।”
No comments:
Post a Comment