द. कोरियाको F-2-7 (अंक प्रणाली आधारित उत्कृष्ट प्रतिभा) भिषा दक्षिण कोरिया | अध्यागमन समाचार

 

**** नयाँ अपडेट चै नभए पनि अहिलेसम्मको अपडेट ****

दक्षिण कोरियामा कानुनी रुपमा बसोबास गरिरहेका विदेशी नागरिकहरुले निश्चित मापदण्ड पूरा गरेमा F-2-7 (अंक प्रणाली आधारित उत्कृष्ट प्रतिभा) भिषामा परिवर्तन गर्न सक्ने व्यवस्था लागू भइरहेको छ। यो भिषामार्फत अधिकतम ५ वर्षसम्म बसोबास गर्न सकिन्छ।

F-2-7 भिषा कस्तो भिषा हो त?

F-2-7 भिषा अंक प्रणालीको आधारमा योग्य ठहरिएका विदेशीलाई RESIDENCY (F-2) दर्जा दिने भिषा हो। यो भिषा स्थायी बसोबास PR (F-5) तर्फ जाने मध्य चरण हो, तर स्वयं स्थायी बसोबास भिषा भने होइन।

कस–कसले यो भिषा आवेदन दिन सक्छन्?

निम्न समूहमा पर्ने विदेशी नागरिकहरुले आवेदन दिन सक्छन्।

* 상장법인 काम गर्ने व्यक्ति (상장법인 종사자)

* आशाजनक उद्योग क्षेत्रमा कार्यरत व्यक्ति(유망산업 분야 종사자)

* पेशागत/विशेषज्ञ पेशामा संलग्न व्यक्ति (전문직 종사자)

* अध्ययनसम्बन्धी प्रतिभाशिल (विद्यार्थी) (유학 인재)

* पूर्व-उत्कृष्ट प्रतिभा (예비 우수인재)

अंक र आवश्यक सर्तहरु

कुल ८० अंक वा सोभन्दा बढी भए आवेदन योग्य

* मूल्याङ्कनका मुख्य आधारहरु

* उमेर (जति कम भए अंक बढी)

* शैक्षिक योग्यता(मास्टर डिग्री)

* कोरियन भाषा क्षमता (TOPIK, KIIP 5 급, 5단계 필수)

* वार्षिक आय (GNI 이상)

अयोग्यता हुने अवस्था

अपराधिक रेकर्ड भएको

अध्यागमन वा कानुन उल्लंघन गरेको

रोजगारी प्रतिबन्धित क्षेत्रमा काम गरेको विवरण भएको

स्वास्थ्य र आपराधिक प्रमाण

सरुवा रोग नहुनु पर्ने

आपराधिक पृष्ठभूमि प्रमाणपत्र अनिवार्य

Apostille वा दूतावास प्रमाणीकरण आवश्यक

बसोबास अवधि र नवीकरण

अंकअनुसार १ देखि ५ वर्षसम्म भिषाको अनुमति

नवीकरण गर्दा पनि अंकको पूरा सर्त कायम हुनुपर्ने

महत्वपूर्ण सूचना (유의사항)

अंक पूरा भयो भन्दैमा स्वतः भिषा स्वीकृत हुँदैन ।

→ दीर्घकालीन बसोबास स्थिरता, आयको निरन्तरता, पेशागत अवस्था आदिको समग्र मूल्याङ्कन हुने गर्दछ ।

→ जुवा, मनोरञ्जन तथा यस्तै विशेष पेशामा संलग्न विवरण भएमा(F-2-7 भिषा F-5 (स्थायी बसोबास) तर्फ जाने मार्ग हो ।)

कुन–कुन भिषाले F-2-7 मा परिवर्तन गर्न सक्छन्?

निम्न सर्तहरु सबै पूरा गर्ने विदेशी नागरिकले F-2-7 मा परिवर्तन गर्न सक्छन्।द. कोरियामा कानुनी रुपमा बसोबास गरिरहेको व्यक्ति,

जस्तै: D-2, D-8, D-9, D-10, E-1~E-7 आदि

(E-7-4 बाट F-2-99, F-2-R मा जान मिल्छ।)

अवैध बसोबासकर्ताले आवेदन गर्न सक्दैन।

- अंक प्रणालीमा ८० अंकभन्दा बढी

- कानुनी र स्थिर आय/रोजगारी भएको व्यक्ति

- अपराध तथा अध्यागमन उल्लंघनको विवरण नभएको

- दीर्घकालीन बसोबास गर्न सक्ने क्षमता भएको मानिएको व्यक्ति

नोटः ८० अंक पुर्याउनलाई स्वयंसेवा गर्नु भएको छैन भने अंक नपुग्न पनि सक्छ।

कोरियामा E-9 भिसा कार्यस्थल परिवर्तन सम्बन्धी जानकारी

दक्षिण कोरियामा E-9 (비전문취업) भिसामा काम गरिरहेका विदेशी कामदारहरूका लागि कार्यस्थल (사업장) परिवर्तनका सर्तहरू सम्बन्धी जानकारी सार्वजनिक गरिएको छ।

कोरियाको विदेशी श्रमिक रोजगार प्रणाली (EPS) अनुसार, E-9 भिसा सामान्य अवस्थामा कार्यस्थल परिवर्तन गर्न कठिन हुन्छ। तर कानुनले तोकेको विशेष र वैध कारण भएमा अपवादस्वरूप कार्यस्थल परिवर्तन गर्न अनुमति दिइन्छ।

■ साहुको गल्ती भएमा परिवर्तन गर्न सजिलो

सम्बन्धित निकायका अनुसार, यदि कम्पनीको गल्तीका कारण समस्या उत्पन्न भएको छ भने कार्यस्थल परिवर्तन संख्या सीमाबिना स्वीकृत हुन सक्छ।

मुख्य कारणहरूमा तलब नदिनु, न्यूनतम ज्यालाको उल्लङ्घन, गालीगलौज वा कुटपिटजस्ता मानव अधिकार उल्लङ्घन, कामका सर्तहरु एकतर्फी परिवर्तन, औद्योगिक दुर्घटना तथा श्रम सम्झौता उल्लङ्घन पर्ने बताइएको छ।

■ कम्पनीको अवस्था बिग्रिएमा पनि परिवर्तन सम्भव

कम्पनी बन्द, व्यवसाय घटेर कर्मचारी घटाउनुपर्ने अवस्था वा व्यवस्थापन समस्याले काम निरन्तर गर्न नसक्ने अवस्थामा कामदारलाई अन्य कार्यस्थलमा स्थानान्तरण गर्न अनुमति दिइन्छ।

■ व्यक्तिगत कारणमा कार्यस्थल परिवर्तन गर्न मिल्ने सीमा अवधि

स्वास्थ्य समस्या, काममा अनुकूलन नहुनु वा अपरिहार्य पारिवारिक कारणजस्ता

व्यक्तिगत कारणमा गरिएको कार्यस्थल परिवर्तन भने ३ बर्षंको श्रम सम्झौतामा ३ पटक र १ बर्ष १० महिनामा २ पटकसम्म मात्र सीमित हुने हामीलाई थाहा नै छ।

यसका लागि सम्बन्धित प्रमाण कागजात अनिवार्य मानिन्छ र पनि साहूको अनुमति हुनु पर्दछ ।

■ कार्यस्थल परिवर्तन प्रक्रिया

कार्यस्थल परिवर्तन चाहने कामदारले पहिले रोजगार केन्द्र (고용센터) मा काम छोडेको ३० दिन भित्र गएर रोजगारीको लागि दर्ता र परामर्श लिनुपर्ने हुन्छ।

त्यसपछि आवश्यक प्रमाण कागजात बुझाएर स्वीकृति पाएपछि सामान्यतया ३ महिनाभित्र नयाँ काम खोज्न सकिन्छ। नयाँ कम्पनी भेटिएपछि श्रम सम्झौता गरी काम सुरु गर्न पाइन्छ।

■ स्वीकृति बिना काम छोडे गम्भीर समस्या

सम्बन्धित निकायले स्वीकृति बिना कम्पनी छोड्नु गैरकानुनी हुने भन्दै यसले गैरकानुनी बसाइमा परिणत गराउने र भविष्यमा भिसा नवीकरण तथा पुनःप्रवेशमा गम्भीर असर पार्ने चेतावनी दिएको छ।

■ परामर्श केन्द्रको सल्लाह

परामर्श केन्द्रहरूले “तलब नपाएको वा मानव अधिकार उल्लङ्घन भएको अवस्थामा कार्यस्थल परिवर्तनको सम्भावना उच्च हुन्छ, तर व्यक्तिगत कारणमा सीमितता हुने भएकाले प्रमाणसहित प्रक्रिया पूरा गर्न आवश्यक छ” भनी जानकारी दिएका छन्।

क्वाङम्योङ अपार्टमेन्टमा भीषण आगलागी – ६० दशकका तीन जनाको मृत्यु, ६५ जना घाइते

 

क्वाङम्योङ अपार्टमेन्टमा भीषण आगलागी – ६० दशकका तीन जनाको मृत्यु, ६५ जना घाइते

[क्वाङम्योङ, १८ जुलाई] – गत १७ जुलाई साँझ ९:०५ बजे, दक्षिण कोरियाको क्वाङम्योङ सहरको सोहाडोङस्थित एक अपार्टमेन्टको पहिलो तलाको पार्किङ स्थलमा आगलागी हुँदा ६० दशकका तीन जनाको ज्यान गएको छ। घटनामा ६५ जना मानवीय क्षतिबाट प्रभावित भएका छन्।

경기도소방재난본부 (ग्यङ्गी प्रान्तीय दमकल एवं विपद् व्यवस्थापन मुख्यालय) का अनुसार, घाइतेमध्ये २० जना गम्भीर र ४२ जना सामान्य घाइते छन्। सबै घाइतेहरूलाई छिमेकी १९ वटा अस्पतालहरूमा लगेर उपचार भइरहेको छ।

आगो लागेको भवन ‘ना होलो’ (단독동) अपार्टमेन्ट हो, जुन १० तले छ र २०१४ मा निर्माण सम्पन्न भएको थियो। अपार्टमेन्टमा कुल ४५ परिवारका ११६ जना बासिन्दा थिए। भवनको पहिलो तला खुला पार्किङका रूपमा डिजाइन गरिएको पिलोटी संरचना हो, जहाँबाट आगो सुरु भएको हो।

पुलिस अनुसन्धानका अनुसार, आगो छततर्फबाट फैलिएको देखिएको छ। पार्किङ क्षेत्रमा जडान गरिएको CCTV फुटेजमा छतबाट धुवाँ र आगो सुरु भएको देखिएको बताइएको छ। एक प्रत्यक्षदर्शीले पनि “आगो छतबाट सुरु भएको थियो” भनेर पुष्टि गरेका छन्।

अग्नि नियन्त्रक टोलीको प्रयासपछि आगो १ घण्टा २० मिनेटपछि नियन्त्रणमा आएको थियो। तर, आगो पहिलो तलाबाट सुरु भएकाले अधिकांश बासिन्दाहरूका लागि बाहिर निस्कन सक्ने अवस्था थिएन। कम्तीमा २३ जना बासिन्दाहरू छततर्फ भागेर ज्यान जोगाएका थिए।

प्रहरी, राष्ट्रिय वैज्ञानिक अनुसन्धान संस्था, र दमकल विभागको संयुक्त टोलीले १८ जुलाई बिहानदेखि घटनास्थलको विस्तृत जाँच सुरु गरिसकेको छ। आगलागीको कारणबारे विभिन्न सम्भावनाहरू – विशेषगरी विद्युतजन्य कारण – माथि अनुसन्धान भइरहेको छ।

यस भवनमा स्प्रिंकलरजस्ता आगो नियन्त्रण उपकरण जडान अनिवार्य नभएको बताइएको छ। वर्तमान कोरियन कानूनअनुसार, १६ तले वा सोभन्दा अग्ला भवनमा मात्र स्प्रिंकलर अनिवार्य रहेकोले २०१4 मा निर्माण सम्पन्न भएको यो भवन उक्त प्रावधानमा परेन।

सो विषयमा डेजन विश्वविद्यालयका प्राध्यापक ह्वाङ च्होल होङले भने, “पिलोटी संरचना भएका भवनहरू आगो फैलिन अत्यन्तै संवेदनशील हुन्छन्। यस्तो अवस्थामा अस्थायी स्प्रिंकलर वा अन्य दमकल उपकरणहरू जडान अनिवार्य हुनुपर्छ।”