म बटुवा

म बटुवा होइन बाटो हुँ मलाई कहि पुग्नु छैन  

म यात्री होइन यात्रा हुँ मलाई कहि पुग्नु छैन ।

मलाई कसैले देखेन भन्ने दुख छैन मलाई 

हावाले बाँचेको मान्छेले पनि हावालाई देख्दैन

मलाई कसैले ओत दिएन भन्ने दुख छैन मलाई

जस्तै घाम पानीमा पनि रुखले छाता ओढ्दैन,

म माटोले बोकेको गर्व हुँ सूर्यले देखेको सपना, 

म नदिले जोडेको सम्बन्ध हुँ  हावाले भत्काएको सिमाना,

म आकाशले अँगालेको अस्तित्व  हुँ,

हार्ने म होइन म त हारेको मलाई देख्ने हुँ,

जित्ने म होइन म त जितेको मलाई देख्ने हुँ, 

हुने म होइन म त भएको मलाई देख्ने हुँ,

म तिम्रो किन हुनु पर्यो ? मलाई त आफ्नै हुनु छैन।

मलाई त उसको हुनु छ, जसको भइ सके पछि फेरि कसैको हुनु पर्दन  ।

जीवन परिवर्तन गर्ने शब्द

 जसरी गोदाममा धान चामल भण्डार गरिएको छ भने गोदामबाट त्यहि धान चामलनै पाउनुहुन्छ र जौ गोदामबाट जौ नै आउँछ । हाम्रो हृदयमा जे भरिएका छन् हाम्रो बोलीबचनमा पनि त्यहि शब्दको रूपमा बाहिर आउँछ । तपाईले हृदयमा जे राख्नुभएको हुन्छ त्यहि तपाईको मुखबाट निस्कन्छ। के मेरो हृदयको गोदामहरू राम्रा र धार्मिक विचारहरूले भरिएका छन् ? म हरेक दिन मेरो मुटुको भण्डारमा जे हेर्छु र त्यसलाई राम्रो, असल, पवित्र आत्मा, पवित्र वचनले भर्दछु तब म आफ्नो मनलाई प्रेमको हृदय र असल हृदयले खोल्छु, र जब म बोल्दछु राम्रो कुरा जुन मेरो हृदयमा संकलित हुन्छ सँधै त्यहि बाहिर आउँछ। म आशा गर्दछु कि तपाईं र मेरो मुख खोल्दा तपाई र म अरूलाई खुशी पार्न, अरूलाई बचाउन र अरूलाई उठाउन सक्ने बोली आउने सन्तहरू हुनुहुनेछ ।

हामीहरु कति यस्ता पनि हुन्छौ जो नकारात्मक कुरा गर्छन जस्तै हुदैन तिमीले कहाँ गर्न सक्छौ कति छन त्यस्तो काम गर्ने कम्पिटेसन छ । मैले गरे भएन तिमीले कहाँ गर्न सक्छौ । त्त्यसताहरुबाट दूर बस जस्ले तिमीलाई आत्मबल घटाउछ । यस्तोसँग संगत गर जस्ले आत्मबल बढाओस् । 

मानिसका लागि आफ्नो हृदय र बिचारलाई पूर्ण रूपमा नियन्त्रण गर्न गाह्रो छ तर परमेश्वरले हाम्रो हृदय र दिमागी बिचारलाई नियन्त्रण गर्न अनुग्रह दिनुभएको छ। जब तपाईं आफ्नो हृदय र दिमागमा प्रभुमा सुन्नुहुन्छ, तपाईं शब्दहरूबाट प्रभावित हुन थाल्नुहुन्छ र तिनीहरुले तपाईलाई प्रभुत्व गर्नेछ।

म

 तराई मै जन्मे र हुर्केको म

पहाड़को काख र हिमालको सिरानको चाह गर्छ यो मन,

जीबनका पाइलाहरुले जहाँ नै मलाई लतारे पनि

त्यहि तराईको तातो हावा र टन्टलापुरे घामकै चाह गरि रहन्छ यो मन,

त्यसैले होला यी आँखाले यी उजाड भूमीमा पनि

त्यही हरियाली त्यही पहाड़ी काख हिमालको चिसो हावा नै खोजि रहन्छ यो मन